kis ko washud hui bhar umr hi dil-gir rahe

kis ko vāshud huī bhar umr hī dil-gīr rahe

chaman-e-dahr meñ juuñ ġhuncha-e-tasvīr rahe

lazzateñ dil ne uThā.ī haiñ tirī mizhgāñ se

jab talak dam meñ hai dam siine meñ ye tiir rahe

aañkh lag jaa.e shab-e-ġham meñ koī dam dil kī

Tuk bhī ḳhāmosh agar nāla-e-shabgīr rahe

haal sau tarah se likhkhūñ use ai dīda-e-tar

ḳhushk kuchh bhī jo mirā kāġhaz-e-tahrīr rahe

tā-dam-e-naza.a balā se na chhuTe hai zālim

umr-bhar zulf se us shoḳh kī zanjīr rahe

dekh sūrat ko tirī har but-e-chīñ ne ye kahā

sāmne āñkhoñ ke din-rāt ye tasvīr rahe

haiñ kahāñ terī vo chālākiyāñ ai dast-e-junūñ

jeb 'afsos' kā sad-haif gulū-gīr rahe

kis ko washud hui bhar umr hi dil-gir rahe

chaman-e-dahr mein jun ghuncha-e-taswir rahe

lazzaten dil ne uThai hain teri mizhgan se

jab talak dam mein hai dam sine mein ye tir rahe

aankh lag jae shab-e-gham mein koi dam dil ki

Tuk bhi KHamosh agar nala-e-shabgir rahe

haal sau tarah se likhkhun use ai dida-e-tar

KHushk kuchh bhi jo mera kaghaz-e-tahrir rahe

ta-dam-e-naza bala se na chhuTe hai zalim

umr-bhar zulf se us shoKH ki zanjir rahe

dekh surat ko teri har but-e-chin ne ye kaha

samne aankhon ke din-raat ye taswir rahe

hain kahan teri wo chaalakiyan ai dast-e-junun

jeb 'afsos' ka sad-haif gulu-gir rahe