kis masti mein ab rahta hun

kis mastī meñ ab rahtā huuñ

ḳhud ko ḳhud meñ DhūñD rahā huuñ

duniyā meñ sab se hī judā huuñ

āḳhir maiñ kis duniyā kā huuñ

maiñ to ḳhud ko bhuul chukā huuñ

tum batlā do kaun huuñ kyā huuñ

ye bhī nahīñ hai yaad mujhe ab

kyuuñ āḳhir rotā rahtā huuñ

ik duniyā hai mere andar

us meñ hī maiñ ghuum rahā huuñ

mujh ko niiñd hai pyārī yā phir

us ko bhī maiñ hī pyārā huuñ

vo ruḳh apnā pher chuke haiñ

maiñ kis ko apnā kahtā huuñ

in lafzoñ ne manzil chhīnī

aap chaleñ maiñ abhī aatā huuñ

man to ḳhushiyāñ baañT rahā hai

maiñ qatra qatra rotā huuñ

ḳhud kā bojh hai kitnā ḳhud par

kitnā ḳhud ko jhel rahā huuñ

mujh ko tum 'mahtāb' na samjho

shāyad maiñ us kā saayā huuñ

kis masti mein ab rahta hun

KHud ko KHud mein DhunD raha hun

duniya mein sab se hi juda hun

aaKHir main kis duniya ka hun

main to KHud ko bhul chuka hun

tum batla do kaun hun kya hun

ye bhi nahin hai yaad mujhe ab

kyun aaKHir rota rahta hun

ek duniya hai mere andar

us mein hi main ghum raha hun

mujh ko nind hai pyari ya phir

us ko bhi main hi pyara hun

wo ruKH apna pher chuke hain

main kis ko apna kahta hun

in lafzon ne manzil chhini

aap chalen main abhi aata hun

man to KHushiyan banT raha hai

main qatra qatra rota hun

KHud ka bojh hai kitna KHud par

kitna KHud ko jhel raha hun

mujh ko tum 'mahtab' na samjho

shayad main us ka saya hun