kis moD pe le aai hai auqat hamari

kis moḌ pe le aa.ī hai auqāt hamārī

hotī hai kahāñ sub.h kahāñ raat hamārī

pahle to hamīñ log the har amr ke sālis

suntā bhī nahīñ ab to koī baat hamārī

anjām ho behtar to koī baat bane bhī

kyā ḳhuub thī chāhat kī shurū'āt hamārī

ham amn ke saudā.ī the nāpaid hue haiñ

khotī hī ga.ī ḳhū-e-rivāyāt hamārī

apnoñ meñ jo dushman the vo pahchāne ga.e haiñ

lekin rahīñ un par bhī 'ināyāt hamārī

mumkin hai ki manzil kā pata ham se ho mansūb

raushan jo rahe rāh-e-hidāyāt hamārī

'ashraf' hai sadā vus'at-e-ifhām kā ḳhvāhāñ

hairāñ na kare tangī-e-hālāt hamārī

kis moD pe le aai hai auqat hamari

hoti hai kahan subh kahan raat hamari

pahle to hamin log the har amr ke salis

sunta bhi nahin ab to koi baat hamari

anjam ho behtar to koi baat bane bhi

kya KHub thi chahat ki shuru'at hamari

hum amn ke saudai the napaid hue hain

khoti hi gai KHu-e-riwayat hamari

apnon mein jo dushman the wo pahchane gae hain

lekin rahin un par bhi 'inayat hamari

mumkin hai ki manzil ka pata hum se ho mansub

raushan jo rahe rah-e-hidayat hamari

'ashraf' hai sada wus'at-e-ifham ka KHwahan

hairan na kare tangi-e-haalat hamari