kis ne is dasht mein ghar-bar luTana hai miyan

kis ne is dasht meñ ghar-bār luTānā hai miyāñ

aise vīrāne ko ham ne hī sajānā hai miyāñ

aap se kis ne kahā aap bhī bārish māñgeñ

aap kā kaam faqat aag lagānā hai miyāñ

in bhaḌakte hue jazbāt pe qaabū rakhiye

ham ne stage pe kuchh aur dikhānā hai miyāñ

dostī hotī to phir sab ko batāte phirte

ye mohabbat hai ise sab se chhupānā hai miyāñ

na munāfiq ho na aatī hai ḳhushāmad tum ko

tum ne kyā ḳhaak yahāñ naam kamānā hai miyāñ

aap se kaun kare bahs sar-e-bazm-e-raqīb

aap ne ham pe hī ilzām lagānā hai miyāñ

aao sar rakh lo baḌā chain milegā 'faisal'

ye tavā.if kā nahīñ yaar kā shāna hai miyāñ

kis ne is dasht mein ghar-bar luTana hai miyan

aise virane ko hum ne hi sajaana hai miyan

aap se kis ne kaha aap bhi barish mangen

aap ka kaam faqat aag lagana hai miyan

in bhaDakte hue jazbaat pe qabu rakhiye

hum ne stage pe kuchh aur dikhana hai miyan

dosti hoti to phir sab ko batate phirte

ye mohabbat hai ise sab se chhupana hai miyan

na munafiq ho na aati hai KHushamad tum ko

tum ne kya KHak yahan nam kamana hai miyan

aap se kaun kare bahs sar-e-bazm-e-raqib

aap ne hum pe hi ilzam lagana hai miyan

aao sar rakh lo baDa chain milega 'faisal'

ye tawaif ka nahin yar ka shana hai miyan