kis qadar aam hui jurm-e-mohabbat ki jabr

kis qadar 'aam huī jurm-e-mohabbat kī jabr

ik zarā sā jo tire naam pe ham chauñk uThe

mere hāthoñ kī lakīroñ kī ravish ke aage

rāh-e-pur-pech se lipTe hue ḳham chauñk uThe

ittifāqan jo nazar dāman-e-tar pe Daalī

fart-e-hairat se mire dīda-e-nam chauñk uThe

maiñ ne is tarz se manzūm kiye dard-e-hayāt

ahl-e-afkār ke hāthoñ meñ qalam chauñk uThe

ham mohabbat meñ 'ibādat kī hadoñ se guzre

huā nārāz ḳhudā aur sanam chauñk uThe

jab mire zabt ke 'ālam kā huā andāza

sharmsārī ke sabab zulm-o-sitam chauñk uThe

kis qadar 'am hui jurm-e-mohabbat ki jabr

ek zara sa jo tere nam pe hum chaunk uThe

mere hathon ki lakiron ki rawish ke aage

rah-e-pur-pech se lipTe hue KHam chaunk uThe

ittifaqan jo nazar daman-e-tar pe Dali

fart-e-hairat se mere dida-e-nam chaunk uThe

main ne is tarz se manzum kiye dard-e-hayat

ahl-e-afkar ke hathon mein qalam chaunk uThe

hum mohabbat mein 'ibaadat ki hadon se guzre

hua naraaz KHuda aur sanam chaunk uThe

jab mere zabt ke 'alam ka hua andaza

sharmsari ke sabab zulm-o-sitam chaunk uThe