kis saliqe se wo mujh mein raat-bhar rah kar gaya

kis salīqe se vo mujh meñ rāt-bhar rah kar gayā

shaam ko bistar sā kholā sub.h ko tah kar gayā

vaqt-e-ruḳhsat thā hamāre bāhar andar itnā shor

kuchh kahā thā us ne lekin jaane kyā kah kar gayā

qatl hote sab ne dekhā thā bhare bāzār meñ

ye na dekhā ḳhuuñ mirā kis kī taraf bah kar gayā

Dūbnā hī thā so Duubā chāñd us ke vasl kā

raat ko lekin hamesha kī shab muhayyā kar gayā

sirf miTTī ho ke rahne meñ tahaffuz hai yahāñ

jis ne koshish kī makāñ hone kī bas Dhah kar gayā

chaal jab bhī mil nahīñ paa.ī zamīñ kī chaal se

kaisā kaisā sar-buland aayā thā aur Dhah kar gayā

dukh kā ā.īna ulaT detā hai har 'ehsās' ko

ḳhush gayā itnā hī koī jitne dukh sah kar gayā

kis saliqe se wo mujh mein raat-bhar rah kar gaya

sham ko bistar sa khola subh ko tah kar gaya

waqt-e-ruKHsat tha hamare bahar andar itna shor

kuchh kaha tha us ne lekin jaane kya kah kar gaya

qatl hote sab ne dekha tha bhare bazar mein

ye na dekha KHun mera kis ki taraf bah kar gaya

Dubna hi tha so Duba chand us ke wasl ka

raat ko lekin hamesha ki shab muhayya kar gaya

sirf miTTi ho ke rahne mein tahaffuz hai yahan

jis ne koshish ki makan hone ki bas Dhah kar gaya

chaal jab bhi mil nahin pai zamin ki chaal se

kaisa kaisa sar-buland aaya tha aur Dhah kar gaya

dukh ka aaina ulaT deta hai har 'ehsas' ko

KHush gaya itna hi koi jitne dukh sah kar gaya