kis shaghl ko apnae aaKHir tera saudai

kis shaġhl ko apnā.e āḳhir tirā saudā.ī

hañsne meñ bhī rusvā.ī rone meñ bhī rusvā.ī

arbāb-e-mohabbat ke kyā kyā na sune ta.ane

rūdād-e-dil-e-muztar lab par jo kabhī aa.ī

haañ terī tamanna ko ham dil se bhulā deñge

jiine kī koī sūrat zālim jo nikal aa.ī

is baat se kyā hāsil ye ahl-e-suḳhan jāneñ

jis baat meñ hotī hai gahrā.ī na gīrā.ī

ab tere liye duniyā hotī hai to ho dushman

kāñToñ se nahīñ Dartā phūloñ kā tamannā.ī

tum dair-o-kalīsā hī dekho na haram 'nāzim'

aisā bhī bhalā kyā hai saudā-e-jabīñ-sā.ī

kis shaghl ko apnae aaKHir tera saudai

hansne mein bhi ruswai rone mein bhi ruswai

arbab-e-mohabbat ke kya kya na sune tane

rudad-e-dil-e-muztar lab par jo kabhi aai

han teri tamanna ko hum dil se bhula denge

jine ki koi surat zalim jo nikal aai

is baat se kya hasil ye ahl-e-suKHan jaanen

jis baat mein hoti hai gahrai na girai

ab tere liye duniya hoti hai to ho dushman

kanTon se nahin Darta phulon ka tamannai

tum dair-o-kalisa hi dekho na haram 'nazim'

aisa bhi bhala kya hai sauda-e-jabin-sai