kis sitamgar ka gunahgar hun allah allah

kis sitamgar kā gunahgār huuñ allāh allāh

kis ke tīroñ se dil-afgār huuñ allāh allāh

us ke hāthoñ se na jiitā huuñ na martā huuñ maiñ

kis musībat meñ giraftār huuñ allāh allāh

ḳhizr ab duur kar aage se mire āb-e-hayāt

kis ke bose kā talabgār huuñ allāh allāh

kyuuñ na āñkhoñ meñ rakhe mujh ko zuleḳhā bhī 'azīz

kaise yūsuf kā ḳharīdār huuñ allāh allāh

namak-e-husn se us lab ke maze lūTūñ huuñ

kis namak-dāñ kā namak-ḳhvār huuñ allāh allāh

nargis ab ham se na kar dāva-e-ham-chashmī tū

kis kī nargis kā maiñ bīmār huuñ allāh allāh

itnā kahtā bhī nahīñ kaun ye chillātā hai

kab se nālāñ pas-e-dīvār huuñ allāh allāh

ḳhvāb meñ yaar ne aa mujh ko jagāyā 'hātim'

kis qadar tāle-e-be-dār huuñ allāh allāh

kis sitamgar ka gunahgar hun allah allah

kis ke tiron se dil-afgar hun allah allah

us ke hathon se na jita hun na marta hun main

kis musibat mein giraftar hun allah allah

KHizr ab dur kar aage se mere aab-e-hayat

kis ke bose ka talabgar hun allah allah

kyun na aankhon mein rakhe mujh ko zuleKHa bhi 'aziz

kaise yusuf ka KHaridar hun allah allah

namak-e-husn se us lab ke maze luTun hun

kis namak-dan ka namak-KHwar hun allah allah

nargis ab hum se na kar dawa-e-ham-chashmi tu

kis ki nargis ka main bimar hun allah allah

itna kahta bhi nahin kaun ye chillata hai

kab se nalan pas-e-diwar hun allah allah

KHwab mein yar ne aa mujh ko jagaya 'hatim'

kis qadar tale-e-be-dar hun allah allah