kis tarah chubhte hue Khaar se KHushbu aae

kis tarah chubhte hue ḳhaar se ḳhushbū aa.e

phuul hoñ lafz to iz.hār se ḳhushbū aa.e

nanhe ġhunchoñ se khilā rahtā hai āñgan dil kā

yuuñ mahaktī huuñ ki ghar-bār se ḳhushbū aa.e

gardish-e-vaqt kī tārīkī se Darnā kaisā

saath ho vo to shab-e-tār se ḳhushbū aa.e

jazba-e-dil meñ jo sachchā.ī kī dhaḌkan ubhre

ishq lobān bane pyaar se ḳhushbū aa.e

bas vahī log mohabbat ke haiñ qābil 'mīnā'

jin ke a.amāl se kirdār kī ḳhushbū aa.e

kis tarah chubhte hue KHar se KHushbu aae

phul hon lafz to izhaar se KHushbu aae

nanhe ghunchon se khila rahta hai aangan dil ka

yun mahakti hun ki ghar-bar se KHushbu aae

gardish-e-waqt ki tariki se Darna kaisa

sath ho wo to shab-e-tar se KHushbu aae

jazba-e-dil mein jo sachchai ki dhaDkan ubhre

ishq loban bane pyar se KHushbu aae

bas wahi log mohabbat ke hain qabil 'mina'

jin ke aamal se kirdar ki KHushbu aae