kis tarah jaun ki ye aae hue raat mein hain

kis tarah jā.ūñ ki ye aa.e hue raat meñ haiñ

ye añdhere nahīñ haiñ saa.e mirī ghaat meñ haiñ

miltā rahtā huuñ maiñ un se to ye mil lete haiñ

yaar ab dil meñ nahīñ rahte mulāqāt meñ haiñ

ye to nākām asāsa hai samundar ke paas

kuchh ġhazabnāk sī lahreñ mire jazbāt meñ haiñ

ye dhueñ meñ jo nazar aate haiñ sarsabz yahāñ

ye makāñ shahr meñ ho kar bhī mazāfāt meñ haiñ

dil kā chhūnā thā ki jazbāt hue patthar ke

aisā lagtā hai ki ham shahr-e-tilismāt meñ haiñ

maiñ hī takrār huuñ aur maiñ hī mukarrar huuñ yahāñ

vaqt par chalte hue din mirī auqāt meñ haiñ

kis tarah jaun ki ye aae hue raat mein hain

ye andhere nahin hain sae meri ghat mein hain

milta rahta hun main un se to ye mil lete hain

yar ab dil mein nahin rahte mulaqat mein hain

ye to nakaam asasa hai samundar ke pas

kuchh ghazabnak si lahren mere jazbaat mein hain

ye dhuen mein jo nazar aate hain sarsabz yahan

ye makan shahr mein ho kar bhi mazafat mein hain

dil ka chhuna tha ki jazbaat hue patthar ke

aisa lagta hai ki hum shahr-e-tilismat mein hain

main hi takrar hun aur main hi mukarrar hun yahan

waqt par chalte hue din meri auqat mein hain