kis tarah pyas ko pani se alag rakkha jae

kis tarah pyaas ko paanī se alag rakkhā jaa.e

mauj-e-dariyā ko ravānī se alag rakkhā jaa.e

ab mirā zikr kiyā jaa.e kisī aur tarah

mujh ko ab merī kahānī se alag rakkhā jaa.e

varna ho jā.egī ab is se mohabbat mujh ko

mujh ko is dushman-e-jānī se alag rakkhā jaa.e

kaise raajā ke farā.ez ko kiyā jaa.e kam

kaise tanhā.ī ko raanī se alag rakkhā jaa.e

tab hī khul pā.egā maqsad mirī in bātoñ kā

gar inheñ lafz-o-ma.ānī se alag rakkhā jaa.e

'ishq is 'umr meñ hotā hai junūñ-ḳhez bahut

'ishq ko ahd-e-javānī se alag rakkhā jaa.e

kis tarah pyas ko pani se alag rakkha jae

mauj-e-dariya ko rawani se alag rakkha jae

ab mera zikr kiya jae kisi aur tarah

mujh ko ab meri kahani se alag rakkha jae

warna ho jaegi ab is se mohabbat mujh ko

mujh ko is dushman-e-jaani se alag rakkha jae

kaise raja ke faraez ko kiya jae kam

kaise tanhai ko rani se alag rakkha jae

tab hi khul paega maqsad meri in baaton ka

gar inhen lafz-o-maani se alag rakkha jae

'ishq is 'umr mein hota hai junun-KHez bahut

'ishq ko ahd-e-jawani se alag rakkha jae