kis tarah zaKHmi kiya tumne nigah-e-naz se

kis tarah zaḳhmī kiyā tum ne nigāh-e-nāz se

raat bhar royā kiyā dil dard kī āvāz se

mere dil ko tum ne chheḌā kuchh ajab andāz se

rang-e-mahfil baḌh gayā us saaz kī āvāz se

dekhte haiñ vo ruḳh-e-bīmār is andāz se

dil dhaḌaktā hai shikast-e-rang kī āvāz se

sāmne aa koī kah de is qadar andāz se

dekh dil baḌhte haiñ tere tiir kī āvāz se

aaj ye rāh-e-junūñ meñ kis ne rakkhā hai qadam

hil gayā saarā jahāñ zanjīr kī āvāz se

be-parī se rah ga.ī bulbul kī saarī aarzū

dar qafas ke vā haiñ aur majbūr hai parvāz se

is qadar sadma huā rang-e-gulistāñ uḌ gayā

par-shikasta bulbuloñ kī hasrat-e-parvāz se

dekh kar jalva bhalā kyā hosh meñ rahte kalīm

dil to TukḌe ho chukā thā ik na.ī āvāz se

dekhnā hai is muhim meñ kis tarah kartā hai sabr

imtihāñ dil kā vo leñge paañv kī āvāz se

maut kī hai niiñd sote haiñ shahīdān-e-vafā

tū sadā de jaag uTheñ shāyad tirī āvāz se

bazm meñ un kī gayā dil 'nāsirī' maiñ bhī sunūñ

aaj karte haiñ jo bāteñ vo mire hamrāz se

kis tarah zaKHmi kiya tum ne nigah-e-naz se

raat bhar roya kiya dil dard ki aawaz se

mere dil ko tum ne chheDa kuchh ajab andaz se

rang-e-mahfil baDh gaya us saz ki aawaz se

dekhte hain wo ruKH-e-bimar is andaz se

dil dhaDakta hai shikast-e-rang ki aawaz se

samne aa koi kah de is qadar andaz se

dekh dil baDhte hain tere tir ki aawaz se

aaj ye rah-e-junun mein kis ne rakkha hai qadam

hil gaya sara jahan zanjir ki aawaz se

be-pari se rah gai bulbul ki sari aarzu

dar qafas ke wa hain aur majbur hai parwaz se

is qadar sadma hua rang-e-gulistan uD gaya

par-shikasta bulbulon ki hasrat-e-parwaz se

dekh kar jalwa bhala kya hosh mein rahte kalim

dil to TukDe ho chuka tha ek nai aawaz se

dekhna hai is muhim mein kis tarah karta hai sabr

imtihan dil ka wo lenge panw ki aawaz se

maut ki hai nind sote hain shahidan-e-wafa

tu sada de jag uThen shayad teri aawaz se

bazm mein un ki gaya dil 'nasiri' main bhi sunun

aaj karte hain jo baaten wo mere hamraaz se