kise hai lauh-e-waqt par dawam sochte rahe

kise hai lauh-e-vaqt par davām sochte rahe

likhe hue the kaise kaise naam sochte rahe

rah-e-hayāt meñ rukā hai kaun kitnī der ko?

musāfiroñ kā vaqfa-e-qayām sochte rahe

kise ḳhabar hai jalva-gāh-e-yār tak pahuñchne ko

siyāh kitne paḌte haiñ maqām sochte rahe

ujaḌ ke dil basā nahīñ bichhaḌ ke vo milā nahīñ

azaab hai ki hijr sub.h-o-shām sochte rahe

abhī talak bashāratoñ kī guuñj hai ḳhayāl meñ

ye kaun ḳhvāb meñ thā ham-kalām sochte rahe

jo milā thā rāste meñ kyā batā.eñ kaun thaa?

vo yaad aa gayā to us kā naam sochte rahe

kuchh aise be-ḳhabar na the shikāriyoñ kī chaal se

jab aa ga.e tuyūr zer-e-dām sochte rahe

'rashīd' saarī umr isī ḳhayāl meñ guzar ga.ī

ki zālimoñ se leñge intiqām sochte rahe

kise hai lauh-e-waqt par dawam sochte rahe

likhe hue the kaise kaise nam sochte rahe

rah-e-hayat mein ruka hai kaun kitni der ko?

musafiron ka waqfa-e-qayam sochte rahe

kise KHabar hai jalwa-gah-e-yar tak pahunchne ko

siyah kitne paDte hain maqam sochte rahe

ujaD ke dil basa nahin bichhaD ke wo mila nahin

azab hai ki hijr subh-o-sham sochte rahe

abhi talak bashaaraton ki gunj hai KHayal mein

ye kaun KHwab mein tha ham-kalam sochte rahe

jo mila tha raste mein kya bataen kaun tha?

wo yaad aa gaya to us ka nam sochte rahe

kuchh aise be-KHabar na the shikariyon ki chaal se

jab aa gae tuyur zer-e-dam sochte rahe

'rashid' sari umr isi KHayal mein guzar gai

ki zalimon se lenge intiqam sochte rahe