kise malum hai kaise ujala kar rahe hain hum
kise malum hai kaise ujala kar rahe hain hum
Dr. Bhawana Srivastava
MORE BYDr. Bhawana Srivastava
kise mā'lūm hai kaise ujālā kar rahe haiñ ham
ki shab-bhar jaag ke jugnū ikaTThā kar rahe haiñ ham
hameñ mā'lūm hai us kī tavajjoh kaise milnī hai
so bas masrūf hone kā dikhāvā kar rahe haiñ ham
agar koshish kare koī darāreñ bhar bhī saktī haiñ
magar tum se na hogā kuchh lihāzā kar rahe haiñ ham
Dhalegī raat kab tak ye nahīñ parvāh hai ham ko
hai jab tak raushnī ḳhud meñ ujālā kar rahe haiñ ham
kise ma'lum hai kaise ujala kar rahe hain hum
ki shab-bhar jag ke jugnu ikaTTha kar rahe hain hum
hamein ma'lum hai us ki tawajjoh kaise milni hai
so bas masruf hone ka dikhawa kar rahe hain hum
agar koshish kare koi dararen bhar bhi sakti hain
magar tum se na hoga kuchh lihaza kar rahe hain hum
Dhalegi raat kab tak ye nahin parwah hai hum ko
hai jab tak raushni KHud mein ujala kar rahe hain hum
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
