kisi baat pe ranj KHuda ki qasam na idhar se hua na udhar se hua

kisī baat pe ranj ḳhudā kī qasam na idhar se huā na udhar se huā

kisī tarah kā ranj-o-malāl baham na idhar se huā na udhar se huā

hue yaar to rāhi-e-mulk-e-adam yahāñ rote haiñ un ke firāq meñ ham

khule kyūñki ye haal ki haal raqam na idhar se huā na udhar se huā

mire un ke jo dil ko thā rabt baham ye ġhalat hai jo ġhair batāte haiñ kam

vahī rabt hai pahlā sā is meñ to kam na idhar se huā na udhar se huā

hameñ zabt kī ḳhū unheñ zulm kā Dhab ga.ī umr to apnī isī meñ hī sab

rahā ye hī mo.āmla chāra-e-ġham na idhar se huā na udhar se huā

kabhī dil ko jigar kā hai ranj-o-alam kabhī dil kā jigar ko hai sadma-e-ġham

rahā yuuñ hī judā ġham-o-ranj-o-alam na idhar se huā na udhar se huā

koī kahtā qadīm zamāne ko hai koī le gayā us ke hudūs pe pai

jo thā haqq-e-subūt-e-hudūs-o-qidam na idhar se huā na udhar se huā

yuuñ hī ham to sitam-kash-e-charḳh rahe isī haal meñ yaar ke zulm sahe

kabhī 'aish' kam aah ye zulm-o-sitam na idhar se huā na udhar se huā

kisi baat pe ranj KHuda ki qasam na idhar se hua na udhar se hua

kisi tarah ka ranj-o-malal baham na idhar se hua na udhar se hua

hue yar to rahi-e-mulk-e-adam yahan rote hain un ke firaq mein hum

khule kyunki ye haal ki haal raqam na idhar se hua na udhar se hua

mere un ke jo dil ko tha rabt baham ye ghalat hai jo ghair batate hain kam

wahi rabt hai pahla sa is mein to kam na idhar se hua na udhar se hua

hamein zabt ki KHu unhen zulm ka Dhab gai umr to apni isi mein hi sab

raha ye hi moamla chaara-e-gham na idhar se hua na udhar se hua

kabhi dil ko jigar ka hai ranj-o-alam kabhi dil ka jigar ko hai sadma-e-gham

raha yun hi juda gham-o-ranj-o-alam na idhar se hua na udhar se hua

koi kahta qadim zamane ko hai koi le gaya us ke hudus pe pai

jo tha haqq-e-subut-e-hudus-o-qidam na idhar se hua na udhar se hua

yun hi hum to sitam-kash-e-charKH rahe isi haal mein yar ke zulm sahe

kabhi 'aish' kam aah ye zulm-o-sitam na idhar se hua na udhar se hua