kisi bhanwar ke ghumaw mein aa saka hi nahin

kisī bhañvar ke ghumāv meñ aa sakā hī nahīñ

tirā 'hasīb' samundar kī maar thā hī nahīñ

hamāre shahr meñ sahrā bhī hai pahāḌī bhī

so is ko chhoḌ ke jaane kā man kiyā hī nahīñ

tumhāre sadqe qabīle kā ḳhuuñ muaaf kiyā

jo rājputoñ ne badla vahāñ liyā hī nahīñ

ki baar baar use chaak hī to karnā thā

so apnā chāk-e-garebāñ kabhī siyā hī nahīñ

hamāre sher kisī ajnabī ko yaad hue

hamāre yaar ne pursa kabhī diyā hī nahīñ

kisi bhanwar ke ghumaw mein aa saka hi nahin

tera 'hasib' samundar ki mar tha hi nahin

hamare shahr mein sahra bhi hai pahaDi bhi

so is ko chhoD ke jaane ka man kiya hi nahin

tumhaare sadqe qabile ka KHun muaf kiya

jo rajputon ne badla wahan liya hi nahin

ki bar bar use chaak hi to karna tha

so apna chaak-e-gareban kabhi siya hi nahin

hamare sher kisi ajnabi ko yaad hue

hamare yar ne pursa kabhi diya hi nahin