kisi but ke shikam se gar koi aazar nikal aae

kisī but ke shikam se gar koī aazar nikal aa.e

ḳhirad kā band TuuTe aur ik patthar nikal aa.e

taqāze jab badan ke ruuh meñ Dhal kar nikal aa.e

qabā ke band TuuTe aur hasīñ bistar nikal aa.e

zamāna nā-shanāsī kā muravvat be-ḳhayālī kī

na jaane kis galī kis moḌ par ḳhanjar nikal aa.e

uge haiñ ḳhvāb-zāroñ meñ manāzir sar-tarāshī ke

suhānī vādiyoñ meñ bāvle lashkar nikal aa.e

thakan kā bojh le kar koī kitnī duur chaltā hai

magar jab raah meñ ik miil kā patthar nikal aa.e

chhupā kar jin charāġhoñ ko nihāñ-ḳhāne meñ rakkhā thā

fasīl-e-jāñ pe jalne ke liye kyuuñ kar nikal aa.e

kisi but ke shikam se gar koi aazar nikal aae

KHirad ka band TuTe aur ek patthar nikal aae

taqaze jab badan ke ruh mein Dhal kar nikal aae

qaba ke band TuTe aur hasin bistar nikal aae

zamana na-shanasi ka murawwat be-KHayali ki

na jaane kis gali kis moD par KHanjar nikal aae

uge hain KHwab-zaron mein manazir sar-tarashi ke

suhani wadiyon mein bawle lashkar nikal aae

thakan ka bojh le kar koi kitni dur chalta hai

magar jab rah mein ek mil ka patthar nikal aae

chhupa kar jin charaghon ko nihan-KHane mein rakkha tha

fasil-e-jaan pe jalne ke liye kyun kar nikal aae