kisi hasin pe naseh ko pyar aae to

kisī hasīn pe nāseh ko pyaar aa.e to

hameñ buḳhār hai us ko buḳhār aa.e to

uThā.e ishq kā kāñdhe pe baar aa.e to

qulī bane ki bane haiñ kahār aa.e to

balā kī tarah na ushshāq sab chimaT jaa.eñ

zabān-e-shoḳh pe haañ ek baar aa.e to

jo sin Dhalā hai to ho vaqf-e-surḳhī-o-powder

ḳhizāñ ke daur meñ fasl-e-bahār aa.e to

vo ek ham haiñ ki har saañs hai vafā-āmez

vo ek tū hai jise e.atibār aa.e to

javānī aa.ī hai nāz-o-adā ayaañ ho jaa.eñ

hai dam pe husn kī khichḌī achār aa.e to

sunā hai gor-e-ġharībāñ meñ aspatāl nahīñ

agar kisī ko lahad meñ buḳhār aa.e to

kisi hasin pe naseh ko pyar aae to

hamein buKHar hai us ko buKHar aae to

uThae ishq ka kandhe pe bar aae to

quli bane ki bane hain kahaar aae to

bala ki tarah na ushshaq sab chimaT jaen

zaban-e-shoKH pe han ek bar aae to

jo sin Dhala hai to ho waqf-e-surKHi-o-powder

KHizan ke daur mein fasl-e-bahaar aae to

wo ek hum hain ki har sans hai wafa-amez

wo ek tu hai jise eatibar aae to

jawani aai hai naz-o-ada ayan ho jaen

hai dam pe husn ki khichDi achaar aae to

suna hai gor-e-ghariban mein aspatal nahin

agar kisi ko lahad mein buKHar aae to