kisi ka ghar kisi ka dil jala hai

kisī kā ghar kisī kā dil jalā hai

mohabbat meñ to ye hotā rahā hai

añdheroñ ne bhī aisā khel khelā

ujālā bhī añdherā ho gayā hai

vo apnā mānte haiñ phir ye kyā hai

hamāre beach ye kaisī ḳhalā hai

zarā us kī siyāsat bhī to dekho

vafā ke naam par kartā jafā hai

harā kaise sakegā us ko koī

vo jis kī sā.ebāñ maañ kī davā hai

adab jis ne kiyā apne baḌoñ kā

vo chhoTā ho ke bhī kitnā baḌā hai

koī 'salmān' kyā jānegā us ko

jhukī palkoñ meñ un kī ik nasha hai

kisi ka ghar kisi ka dil jala hai

mohabbat mein to ye hota raha hai

andheron ne bhi aisa khel khela

ujala bhi andhera ho gaya hai

wo apna mante hain phir ye kya hai

hamare beach ye kaisi KHala hai

zara us ki siyasat bhi to dekho

wafa ke nam par karta jafa hai

hara kaise sakega us ko koi

wo jis ki saeban man ki dawa hai

adab jis ne kiya apne baDon ka

wo chhoTa ho ke bhi kitna baDa hai

koi 'salman' kya jaanega us ko

jhuki palkon mein un ki ek nasha hai