kisi ka KHair kya kahun ki dhyan tak nahin raha

kisī kā ḳhair kyā kahūñ ki dhyān tak nahīñ rahā

maiñ apne aap par bhī mehrbān tak nahīñ rahā

us ek lab ke mo'jize meñ kyā ginā.uñgā tujhe

ye dekh mere zaḳhm kā nishān tak nahīñ rahā

tamām shahr jis se milnā chāhtā thā un dinoñ

maiñ us se yuuñ milā ki us ko jaan tak nahīñ rahā

zarā sī baat par ḳhafā huā thā aur kyā kahūñ

so haath joḌne pe bhī vo maan tak nahīñ rahā

tumhārā hijr ek raat paañv se lipaT gayā

maiñ apne ghar meñ sub.h kī azaan tak nahīñ rahā

paḌe paḌe yahīñ pe Dher ho na jaa.e ye badan

maiñ ḳhaak apnī rāstoñ pe chhān tak nahīñ rahā

kisi ka KHair kya kahun ki dhyan tak nahin raha

main apne aap par bhi mehrban tak nahin raha

us ek lab ke mo'jize mein kya ginaunga tujhe

ye dekh mere zaKHm ka nishan tak nahin raha

tamam shahr jis se milna chahta tha un dinon

main us se yun mila ki us ko jaan tak nahin raha

zara si baat par KHafa hua tha aur kya kahun

so hath joDne pe bhi wo man tak nahin raha

tumhaara hijr ek raat panw se lipaT gaya

main apne ghar mein subh ki azan tak nahin raha

paDe paDe yahin pe Dher ho na jae ye badan

main KHak apni raston pe chhan tak nahin raha