kisi ke dil se utar kar kahan kahan na gaya

kisī ke dil se utar kar kahāñ kahāñ na gayā

maiñ ghar se niklā to Dar kar kahāñ kahāñ na gayā

mujhe kahīñ nahīñ jaanā thā bas guzarnā thā

tirī galī se guzar kar kahāñ kahāñ na gayā

havā se Tek lagā.ī to ḳhvāb bah nikle

maiñ aañkh niiñd se bhar kar kahāñ kahāñ na gayā

usī kā lams thā maqtal meñ mai-kade meñ kahīñ

vo ḳhushbuoñ meñ bikhar kar kahāñ kahāñ na gayā

huā qiyām havā meñ na rakh sakī hai zamīñ

maiñ āsmāñ se utar kar kahāñ kahāñ na gayā

badan se ruuh kī rag rag meñ 'ishq jā pahuñchā

ye dard ubhrā ubhar kar kahāñ kahāñ na gayā

tamām 'umr hī tadfīn-e-zindagī na huī

maiñ ḳhud ko kāñdhe pe dhar kar kahāñ kahāñ na gayā

kisi ke dil se utar kar kahan kahan na gaya

main ghar se nikla to Dar kar kahan kahan na gaya

mujhe kahin nahin jaana tha bas guzarna tha

teri gali se guzar kar kahan kahan na gaya

hawa se Tek lagai to KHwab bah nikle

main aankh nind se bhar kar kahan kahan na gaya

usi ka lams tha maqtal mein mai-kade mein kahin

wo KHushbuon mein bikhar kar kahan kahan na gaya

hua qiyam hawa mein na rakh saki hai zamin

main aasman se utar kar kahan kahan na gaya

badan se ruh ki rag rag mein 'ishq ja pahuncha

ye dard ubhra ubhar kar kahan kahan na gaya

tamam 'umr hi tadfin-e-zindagi na hui

main KHud ko kandhe pe dhar kar kahan kahan na gaya