kisi ke dukh ko zarurat thi parda-poshi ki

kisī ke dukh ko zarūrat thī parda-poshī kī

so ham ne siikh lī āḳhir zabāñ ḳhamoshī kī

gulāb jazboñ ne āḳhir use bhī gher liyā

kal us ke haath meñ dekhī kitāb noshī kī

maiñ aise shahr-e-gurezāñ meñ jī rahā huuñ jahāñ

nazar milānā 'alāmat hai garm-joshī kī

dukhoñ se kheltā rahtā hai raat din pāgal

dil-e-tabāh ko 'ādat hai 'aish-koshī kī

hamāre vāste dariyā na apnā ruḳh moḌe

hamārī pyaas ko lat hai sarāb-noshī kī

kahīñ luTere sazā.eñ bhī kāTte hoñge

hamāre haañ to rivāyat hai tāj-poshī kī

azal se jabr ko milte rahe qasīda-go

na.ī nahīñ hai kahānī qalam-faroshī kī

kisi ke dukh ko zarurat thi parda-poshi ki

so hum ne sikh li aaKHir zaban KHamoshi ki

gulab jazbon ne aaKHir use bhi gher liya

kal us ke hath mein dekhi kitab noshi ki

main aise shahr-e-gurezan mein ji raha hun jahan

nazar milana 'alamat hai garm-joshi ki

dukhon se khelta rahta hai raat din pagal

dil-e-tabah ko 'adat hai 'aish-koshi ki

hamare waste dariya na apna ruKH moDe

hamari pyas ko lat hai sarab-noshi ki

kahin luTere sazaen bhi kaTte honge

hamare han to riwayat hai taj-poshi ki

azal se jabr ko milte rahe qasida-go

nai nahin hai kahani qalam-faroshi ki