kisi ke hath par tahrir hona
kisī ke haath par tahrīr honā
mirā bhī sāhab-e-taqdīr honā
faqat ik ḳhvāb ho kar rah gayā hai
adhūre ḳhvāb kī ta.abīr honā
nikalnā ruuh kī gahrā.ī se aur
duā kā hāmil-e-tāsīr honā
ye honā to hai lekin kab ye hogā
qabā-e-zar kā līr-o-līr honā
hisār-e-zabt se bāhar thā vo ashk
jise thā dard kī tafsīr honā
'shafīq' āḳhir hai is pāra-sifat ko
kisī ke sāmne tasvīr honā
kisi ke hath par tahrir hona
mera bhi sahab-e-taqdir hona
faqat ek KHwab ho kar rah gaya hai
adhure KHwab ki tabir hona
nikalna ruh ki gahrai se aur
dua ka hamil-e-tasir hona
ye hona to hai lekin kab ye hoga
qaba-e-zar ka lir-o-lir hona
hisar-e-zabt se bahar tha wo ashk
jise tha dard ki tafsir hona
'shafiq' aaKHir hai is para-sifat ko
kisi ke samne taswir hona
- Book : Funoon (Monthly) (Pg. 223)
- Author : Ahmad Nadeem Qasmi
- Publication : 4 Maklood Road, Lahore (25Edition Nov. Dec. 1986)
- Edition : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
