kisi ke ishq mein raston ki dhul ho gae hain

kisī ke ishq meñ rastoñ kī dhuul ho ga.e haiñ

ḳhudā kā shukr ki paise vasūl ho ga.e haiñ

janāb-e-hijr ne qat'-o-burīd kī aisī

ki khīñch-tān ke ḳhud ko qubūl ho ga.e haiñ

kabhī vo aatā thā milne hameñ jahāñ chhup kar

ham us mazār kī qabroñ ke phuul ho ga.e haiñ

agar vo chāñd mile to hamārī jānib se

use batānā sitāre vasūl ho ga.e haiñ

chahak uThā hai achānak chaman udāsī kā

charāġh chāñd huā zaḳhm phuul ho ga.e haiñ

vo log tere liye jin ko radd kiyā ham ne

sunā hai aaj vo tujh ko qubūl ho ga.e haiñ

kabhī jo tāb-o-tamannā kī university the

ab ek gaañv kā ujḌā schōl ho ga.e haiñ

kahāñ se aatī hai 'armān' mere sher kī lahr

sunā to ye thā ki saare nuzūl ho ga.e haiñ

kisi ke ishq mein raston ki dhul ho gae hain

KHuda ka shukr ki paise wasul ho gae hain

janab-e-hijr ne qat'-o-burid ki aisi

ki khinch-tan ke KHud ko qubul ho gae hain

kabhi wo aata tha milne hamein jahan chhup kar

hum us mazar ki qabron ke phul ho gae hain

agar wo chand mile to hamari jaanib se

use batana sitare wasul ho gae hain

chahak uTha hai achanak chaman udasi ka

charagh chand hua zaKHm phul ho gae hain

wo log tere liye jin ko radd kiya hum ne

suna hai aaj wo tujh ko qubul ho gae hain

kabhi jo tab-o-tamanna ki uniwersity the

ab ek ganw ka ujDa school ho gae hain

kahan se aati hai 'arman' mere sher ki lahr

suna to ye tha ki sare nuzul ho gae hain