kisi ke sath bhi usne wafa nibhai kya

kisī ke saath bhī us ne vafā nibhā.ī kyā

bas is savāl pe detā rahūñ duhā.ī kyā

jise na hosh hai ḳhud kā na fikr duniyā kī

to us ko sochiye parvāh-e-jag-hañsā.ī kyā

ab āsmān mile yā mile qafas ham ko

vo saath hoñ to hameñ qaid kyā rihā.ī kyā

unhoñ ne ḳhat nahīñ bhejā pa ye batā qāsid

unheñ hamārī kabhī yaad bhī na aa.ī kyā

bujhī bujhī sī tabī.at hai kyoñ mirī yaaro

unhoñ ne phir mirī jhūTī qasam uThā.ī kyā

tamām un ke bahāne haiñ 'rāz' varna vo

jab aa rahe haiñ to phir june kyā july kyā

kisi ke sath bhi us ne wafa nibhai kya

bas is sawal pe deta rahun duhai kya

jise na hosh hai KHud ka na fikr duniya ki

to us ko sochiye parwah-e-jag-hansai kya

ab aasman mile ya mile qafas hum ko

wo sath hon to hamein qaid kya rihai kya

unhon ne KHat nahin bheja pa ye bata qasid

unhen hamari kabhi yaad bhi na aai kya

bujhi bujhi si tabiat hai kyon meri yaro

unhon ne phir meri jhuTi qasam uThai kya

tamam un ke bahane hain 'raaz' warna wo

jab aa rahe hain to phir june kya july kya