kisi ki qismat se wo KHafa hai kisi ki daulat se wo KHafa hai

kisī kī qismat se vo ḳhafā hai kisī kī daulat se vo ḳhafā hai

kisī kī ḳhushiyoñ se us ko shikva kisī kī barakat se vo ḳhafā hai

use pata hai vo kuchh bhī kar le nahīñ milegī ab us ko jannat

so aise bantā hai jaise sab ko lage ki jannat se vo ḳhafā hai

hamārī aadat hai pyaar karnā aur us kī aadat hai vaar karnā

so us kī aadat se ham ḳhafā haiñ hamārī aadat se vo ḳhafā hai

usī ne chāhā thā naam ho tab mirā bhī 'ġhālib' 'farāz' jaisā

maiñ ab ki sab kī zabāñ pe huuñ to sunā hai shohrat se vo ḳhafā hai

bhale-bure haiñ magar ye jaise haiñ in ko apnā maiñ māntā huuñ

ye dost mere haiñ jaan merī inhīñ kī sohbat se vo ḳhafā hai

kisi ki qismat se wo KHafa hai kisi ki daulat se wo KHafa hai

kisi ki KHushiyon se us ko shikwa kisi ki barakat se wo KHafa hai

use pata hai wo kuchh bhi kar le nahin milegi ab us ko jannat

so aise banta hai jaise sab ko lage ki jannat se wo KHafa hai

hamari aadat hai pyar karna aur us ki aadat hai war karna

so us ki aadat se hum KHafa hain hamari aadat se wo KHafa hai

usi ne chaha tha nam ho tab mera bhi 'ghaalib' 'faraaz' jaisa

main ab ki sab ki zaban pe hun to suna hai shohrat se wo KHafa hai

bhale-bure hain magar ye jaise hain in ko apna main manta hun

ye dost mere hain jaan meri inhin ki sohbat se wo KHafa hai