kisi kisi ko hi aate hain ras afsane

kisī kisī ko hī aate haiñ raas afsāne

hameñ to karte haiñ aksar udaas afsāne

na.e zamāne ke in meñ ka.ī ishāre haiñ

bahut purāne haiñ go mere paas afsāne

ḳhushī ke vāste jis ne gale lagāyā unheñ

usī ko chhoḌ ga.e mahv-e-yās afsāne

jinheñ shu.ūr se aarī qarār dete the

vahī bane haiñ qayāfa-shanās afsāne

libās vaale bhī paḌhte haiñ in ko chhup-chhup kar

jo maiñ ne likhe haiñ kuchh be-libās afsāne

vo ek pyāse ne ḳhūn-e-jigar se likhe haiñ

jo ban ga.e haiñ samundar kī pyaas afsāne

vo ek pyāse ne ḳhūn-e-jigar se likhe haiñ

jo ban ga.e haiñ samundar kī pyaas afsāne

ḳhayāl-o-ḳhvāb ke qisse nahīñ haiñ in meñ 'asad'

haiñ ahd-e-nau ke haqīqat-shanās afsāne

kisi kisi ko hi aate hain ras afsane

hamein to karte hain aksar udas afsane

nae zamane ke in mein kai ishaare hain

bahut purane hain go mere pas afsane

KHushi ke waste jis ne gale lagaya unhen

usi ko chhoD gae mahw-e-yas afsane

jinhen shuur se aari qarar dete the

wahi bane hain qayafa-shanas afsane

libas wale bhi paDhte hain in ko chhup-chhup kar

jo main ne likhe hain kuchh be-libas afsane

wo ek pyase ne KHun-e-jigar se likhe hain

jo ban gae hain samundar ki pyas afsane

wo ek pyase ne KHun-e-jigar se likhe hain

jo ban gae hain samundar ki pyas afsane

KHayal-o-KHwab ke qisse nahin hain in mein 'asad'

hain ahd-e-nau ke haqiqat-shanas afsane