kisi ko kuchh nahin milta hai aarzu ke baghair

kisī ko kuchh nahīñ miltā hai aarzū ke baġhair

magar ye kaun milā mujh ko justujū ke baġhair

'ajīb tarz-e-mulāqāt thā sar-e-mahfil

payām saare mile mujh ko guftugū ke baġhair

mire jigar kā lahū hai vafāoñ kā zāmin

hinā bhī us kī adhūrī hai is lahū ke baġhair

ḳhumār o kaif meñ āñkheñ haiñ mai-kade jaisī

nashe meñ chuur huuñ maiñ bhī kisī subū ke baġhair

havā ne ḳhaar se mil kar ḳharāsheñ Dālīñ par

qabā-e-gul to mahaktī rahī rafū ke baġhair

hamāre zikr pe hangāma ho gayā aksar

liyā hai naam kahāñ us ne hāv-hū ke baġhair

fazā udaas hai is vāste 'ziyā'-sāhib

bahār kaise chale mere māh-rū ke baġhair

kisi ko kuchh nahin milta hai aarzu ke baghair

magar ye kaun mila mujh ko justuju ke baghair

'ajib tarz-e-mulaqat tha sar-e-mahfil

payam sare mile mujh ko guftugu ke baghair

mere jigar ka lahu hai wafaon ka zamin

hina bhi us ki adhuri hai is lahu ke baghair

KHumar o kaif mein aankhen hain mai-kade jaisi

nashe mein chur hun main bhi kisi subu ke baghair

hawa ne KHar se mil kar KHarashen Dalin par

qaba-e-gul to mahakti rahi rafu ke baghair

hamare zikr pe hangama ho gaya aksar

liya hai nam kahan us ne haw-hu ke baghair

faza udas hai is waste 'ziya'-sahib

bahaar kaise chale mere mah-ru ke baghair