kisi ko wasl mein ulfat ka sagar mar deta hai

kisī ko vasl meñ ulfat kā sāgar maar detā hai

kisī ko hijr meñ yādoñ kā lashkar maar detā hai

baḌī mushkil se ġhazloñ meñ sitam us ke sunātā huuñ

magar phir aap logoñ kā mukarrar maar detā hai

mohabbat kar to lūñgā maiñ kisī se bhī magar yaaro

koī mahbūb aisā hai jo yaksar maar detā hai

maiñ jab bhī bhejtā huuñ ḳhat pahuñchtā hī nahīñ us tak

na-jāne kaun raste meñ kabūtar maar detā hai

maiñ apne vasl kī yādoñ pe jī letā magar jānāñ

mujhe har pal judā.ī kā vo manzar maar detā hai

zamāne se to laḌ lete haiñ ham tā-'umr par 'ālam'

mire jaisoñ ko aksar ye muqaddar maar detā hai

kisi ko wasl mein ulfat ka sagar mar deta hai

kisi ko hijr mein yaadon ka lashkar mar deta hai

baDi mushkil se ghazlon mein sitam us ke sunata hun

magar phir aap logon ka mukarrar mar deta hai

mohabbat kar to lunga main kisi se bhi magar yaro

koi mahbub aisa hai jo yaksar mar deta hai

main jab bhi bhejta hun KHat pahunchta hi nahin us tak

na-jaane kaun raste mein kabutar mar deta hai

main apne wasl ki yaadon pe ji leta magar jaanan

mujhe har pal judai ka wo manzar mar deta hai

zamane se to laD lete hain hum ta-'umr par 'alam'

mere jaison ko aksar ye muqaddar mar deta hai