kisi ne kah di koi baat haq malum hota hai
kisi ne kah di koi baat haq malum hota hai
Maqbool Ahmad Maqbool
MORE BYMaqbool Ahmad Maqbool
kisī ne kah dī koī baat haq mā'lūm hotā hai
tabhī chehre kā tere rang faq mā'lūm hotā hai
sahīfa zindagānī kā bahut āsāñ nazar aaya
magar jab paḌhne baiThūñ to adaq mā'lūm hotā hai
jahāñ ke daftar-e-ġham kī haqīqat hī hai kyā vo to
hamāre dard-e-dil kā ik ramaq mā'lūm hotā hai
haqīqat meñ lahū hai vo shahīdān-e-mohabbat kā
kanār-e-charḳh jo rang-e-shafaq mā'lūm hotā hai
namī hai āñsuoñ kī ḳhūñ-chakāñ alfāz haiñ saare
ye merī hī kahānī kā varaq mā'lūm hotā hai
kisi ne kah di koi baat haq ma'lum hota hai
tabhi chehre ka tere rang faq ma'lum hota hai
sahifa zindagani ka bahut aasan nazar aaya
magar jab paDhne baiThun to adaq ma'lum hota hai
jahan ke daftar-e-gham ki haqiqat hi hai kya wo to
hamare dard-e-dil ka ek ramaq ma'lum hota hai
haqiqat mein lahu hai wo shahidan-e-mohabbat ka
kanar-e-charKH jo rang-e-shafaq ma'lum hota hai
nami hai aansuon ki KHun-chakan alfaz hain sare
ye meri hi kahani ka waraq ma'lum hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
