kisi parinde ne uDne ka man banaya hai
kisī parinde ne uḌne kā man banāyā hai
vo koī aur nahīñ merā hī to saaya hai
zamīñ kī muTThī meñ jaise ho āsmān koī
ġhazab kā reshmī ehsās koī laayā hai
guloñ meñ shoḳh gulābī tumhīñ ne rañg bhare
chale bhī aao ke gulshan ne ab bulāyā hai
ye merā gaañv har ik roz yuuñ damakne lagā
ke jugnuoñ ne yahāñ āshiyāñ banāyā hai
na.e se ḳhvāb churā luuñ hasīn lamhoñ se
yuuñ shabnamī sī kisī raat ne sulāyā hai
bharā bharā sā hī rahtā hai ye mirā man ab
mizāj vaqt ne tujh se ye ḳhuub paaya hai
milo kabhī bhī jo fursat meñ to ye pūchheñge
yuuñ mere chāñd ko mujh se hī kyuuñ churāyā hai
kisi parinde ne uDne ka man banaya hai
wo koi aur nahin mera hi to saya hai
zamin ki muTThi mein jaise ho aasman koi
ghazab ka reshmi ehsas koi laya hai
gulon mein shoKH gulabi tumhin ne rang bhare
chale bhi aao ke gulshan ne ab bulaya hai
ye mera ganw har ek roz yun damakne laga
ke jugnuon ne yahan aashiyan banaya hai
nae se KHwab chura lun hasin lamhon se
yun shabnami si kisi raat ne sulaya hai
bhara bhara sa hi rahta hai ye mera man ab
mizaj waqt ne tujh se ye KHub paya hai
milo kabhi bhi jo fursat mein to ye puchhenge
yun mere chand ko mujh se hi kyun churaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
