kisi se ab koi milne kisi ke ghar nahin jata

kisī se ab koī milne kisī ke ghar nahīñ jaatā

mirī āñkhoñ se guzre vaqt kā manzar nahīñ jaatā

bahut maġhrūr thā insān ḳhud apnī taraqqī par

qayāmat aa.ī ye kaisī koī bāhar nahīñ jaatā

havā kā ruḳh jidhar bhī hai charāġhoñ ko udhar rakh lo

ho jin meñ hausla un ko koī chhū kar nahīñ jaatā

zamāna vāqa'ī badlā huā lagtā hai ab mujh ko

yahāñ insān ab to chaar kāñdhoñ par nahīñ jaatā

tire darbār meñ hotā hai har ik faisla maulā

'adālat meñ tabhī to mas.ala le kar nahīñ jaatā

bahut mushkil hai dahshat aur nafrat ko baḌhā denā

siyāsat kī zabāñ se jab talak nashtar nahīñ jaatā

ho jab dil aazmā lenā mire sabr-o-tahammul ko

tumhāre zulm ke ḳhanjar se ab maiñ Dar nahīñ jaatā

hukūmat apnī āñkhoñ par pahantī haq kā chashma jo

tumhārī baat bhī rahtī hamārā sar nahīñ jaatā

kisi se ab koi milne kisi ke ghar nahin jata

meri aankhon se guzre waqt ka manzar nahin jata

bahut maghrur tha insan KHud apni taraqqi par

qayamat aai ye kaisi koi bahar nahin jata

hawa ka ruKH jidhar bhi hai charaghon ko udhar rakh lo

ho jin mein hausla un ko koi chhu kar nahin jata

zamana waqa'i badla hua lagta hai ab mujh ko

yahan insan ab to chaar kandhon par nahin jata

tere darbar mein hota hai har ek faisla maula

'adalat mein tabhi to masala le kar nahin jata

bahut mushkil hai dahshat aur nafrat ko baDha dena

siyasat ki zaban se jab talak nashtar nahin jata

ho jab dil aazma lena mere sabr-o-tahammul ko

tumhaare zulm ke KHanjar se ab main Dar nahin jata

hukumat apni aankhon par pahanti haq ka chashma jo

tumhaari baat bhi rahti hamara sar nahin jata