kisi se bas ki umid-e-kushud-e-kar nahin

kisī se bas ki umīd-e-kushūd-e-kār nahīñ

mujhe ajal ke bhī aane kā e'tibār nahīñ

javāb naame kā qāsid mazār par laayā

ki jāntā thā use tāb-e-intizār nahīñ

ye kah ke uTh ga.ī bālīñ se merī sham-e-sahar

tamām ho ga.ī shab aur tujhe qarār nahīñ

jo tū ho paas to hūr-o-qusūr sab kuchh ho

jo tū nahīñ to nahīñ balki zīnhār nahīñ

ḳhizāñ ke aane se pahle hī thā mujhe ma.alūm

ki rañg-o-bū-e-chaman kā kuchh e'tibār nahīñ

ġhazal kahī hai ki motī piro.e haiñ ai 'nazm'

vo kaun sher hai jo durr-e-shāhvār nahīñ

kisi se bas ki umid-e-kushud-e-kar nahin

mujhe ajal ke bhi aane ka e'tibar nahin

jawab name ka qasid mazar par laya

ki jaanta tha use tab-e-intizar nahin

ye kah ke uTh gai baalin se meri sham-e-sahar

tamam ho gai shab aur tujhe qarar nahin

jo tu ho pas to hur-o-qusur sab kuchh ho

jo tu nahin to nahin balki zinhaar nahin

KHizan ke aane se pahle hi tha mujhe malum

ki rang-o-bu-e-chaman ka kuchh e'tibar nahin

ghazal kahi hai ki moti piroe hain ai 'nazm'

wo kaun sher hai jo durr-e-shahwar nahin