kisi se ishq mera walihana hote hue

kisī se ishq mirā vālihāna hote hue

maiñ ḳhud ko dekh rahā huuñ fasāna hote hue

vo telephone kī ghanTī yaqīñ dilātī hai

mire qarīb hai tū ġhā.ebāna hote hue

vo nasl-e-nau ke liye de gayā nayā fashion

maiñ jis libās ko pahnūñ purānā hote hue

mirā raqīb thā jab tak mire qarīb rahā

vo mujh se duur hai ab dostāna hote hue

ye log mujh ko muhibb-e-vatan samajhte nahīñ

mirī zabān pe qaumī tarāna hote hue

vo kaise nashshe kā dil-dāda ho gayā 'ātish'

sharīf jis kā mukammal gharānā hote hue

kisi se ishq mera walihana hote hue

main KHud ko dekh raha hun fasana hote hue

wo telephone ki ghanTi yaqin dilati hai

mere qarib hai tu ghaebana hote hue

wo nasl-e-nau ke liye de gaya naya fashion

main jis libas ko pahnun purana hote hue

mera raqib tha jab tak mere qarib raha

wo mujh se dur hai ab dostana hote hue

ye log mujh ko muhibb-e-watan samajhte nahin

meri zaban pe qaumi tarana hote hue

wo kaise nashshe ka dil-dada ho gaya 'atish'

sharif jis ka mukammal gharana hote hue