kisi se rabt nahin hai kisi se pyar mujhe

kisī se rabt nahīñ hai kisī se pyaar mujhe

na jaane rahtā hai phir kis kā intizār mujhe

har ek saañs mirī umr ko ghaTātī hai

nafas kā taar hai goyā kafan kā taar mujhe

mirī bahār ko mausam kā intizār nahīñ

koī jo hañs ke milā mil ga.ī bahār mujhe

na be-qarār ho tū merī be-qarārī par

taḌap taḌap ke ḳhud aa jā.egā qarār mujhe

ye dil kā aa.ina ab toḌne ke qābil hai

dikhā.ī detā nahīñ us meñ rū-e-yār mujhe

kisī ke husn kī maiñ ne bahār dekhī hai

chaman ke phuul dikhāte haiñ kyā bahār mujhe

ye ḳhud-farebī hai merī ki ḳhud-farāmoshī

na aane vaale kā rahtā hai intizār mujhe

mire vajūd se harakat to hai zamāne meñ

agarche mauj kī sūrat nahīñ qarār mujhe

mire chaman hī se vābastagī hai donoñ kī

aziiz kyuuñ na hoñ phūloñ ke saath ḳhaar mujhe

'jigar' ke ḳhuun se āñkhoñ meñ surḳh Dore haiñ

samajh rahā hai zamāna sharāb-ḳhvār mujhe

kisi se rabt nahin hai kisi se pyar mujhe

na jaane rahta hai phir kis ka intizar mujhe

har ek sans meri umr ko ghaTati hai

nafas ka tar hai goya kafan ka tar mujhe

meri bahaar ko mausam ka intizar nahin

koi jo hans ke mila mil gai bahaar mujhe

na be-qarar ho tu meri be-qarari par

taDap taDap ke KHud aa jaega qarar mujhe

ye dil ka aaina ab toDne ke qabil hai

dikhai deta nahin us mein ru-e-yar mujhe

kisi ke husn ki main ne bahaar dekhi hai

chaman ke phul dikhate hain kya bahaar mujhe

ye KHud-farebi hai meri ki KHud-faramoshi

na aane wale ka rahta hai intizar mujhe

mere wajud se harakat to hai zamane mein

agarche mauj ki surat nahin qarar mujhe

mere chaman hi se wabastagi hai donon ki

aziz kyun na hon phulon ke sath KHar mujhe

'jigar' ke KHun se aankhon mein surKH Dore hain

samajh raha hai zamana sharab-KHwar mujhe