kisi se rishta-e-ummid joDta kyon hai

kisī se rishta-e-ummīd joḌtā kyoñ hai

lahū ḳhud apnī ragoñ kā nichoḌtā kyoñ hai

tire mizāj kī ġhaflat kā jā.eza le kar

vo so gayā hai ab us ko jhiñjhoḌtā kyoñ hai

koī lagām to apne bhī haath meñ rakh le

har ik samand ko qismat pe chhoḌtā kyoñ hai

agar tū krishn sā nir-mohī ban nahīñ saktā

to zindagī kī kalā.ī maroḌtā kyoñ hai

ye tere mere sabhī ke gharoñ kī zīnat haiñ

rivāyateñ to haiñ aa.iin toḌtā kyoñ hai

luġhāt-e-dil meñ ḳhudā ke bahut hī ma.anī haiñ

har ek sang pe sar apnā phoḌtā kyoñ hai

kisi se rishta-e-ummid joDta kyon hai

lahu KHud apni ragon ka nichoDta kyon hai

tere mizaj ki ghaflat ka jaeza le kar

wo so gaya hai ab us ko jhinjhoDta kyon hai

koi lagam to apne bhi hath mein rakh le

har ek samand ko qismat pe chhoDta kyon hai

agar tu krishn sa nir-mohi ban nahin sakta

to zindagi ki kalai maroDta kyon hai

ye tere mere sabhi ke gharon ki zinat hain

riwayaten to hain aain toDta kyon hai

lughat-e-dil mein KHuda ke bahut hi mani hain

har ek sang pe sar apna phoDta kyon hai