kisi subh ka tha manzar sabhi kaam ja rahe the

kisī sub.h kā thā manzar sabhī kaam jā rahe the

baḌe shauq se parinde tah-e-dām jā rahe the

vo judā huā thā jis pal nahīñ bhūltā vo manzar

maiñ vahīñ khaḌā huā thā dar-o-bām jā rahe the

mujhe kuchh burā nahīñ thā tirā bāzuoñ meñ rahnā

mire kaam the zarūrī mire kaam jā rahe the

tire shauq kī havā ne diye zindagī ko mā'ne

mire roz-o-shab to varna baḌe 'aam jā rahe the

maiñ jo baat sochtā thā tirī zaat se juḌī thī

maiñ jo harf likh rahā thā tire naam jā rahe the

kisi subh ka tha manzar sabhi kaam ja rahe the

baDe shauq se parinde tah-e-dam ja rahe the

wo juda hua tha jis pal nahin bhulta wo manzar

main wahin khaDa hua tha dar-o-baam ja rahe the

mujhe kuchh bura nahin tha tera bazuon mein rahna

mere kaam the zaruri mere kaam ja rahe the

tere shauq ki hawa ne diye zindagi ko ma'ne

mere roz-o-shab to warna baDe 'am ja rahe the

main jo baat sochta tha teri zat se juDi thi

main jo harf likh raha tha tere nam ja rahe the