kisi surat na un aankhon ke asar se nikle

kisī sūrat na un āñkhoñ ke asar se nikle

kitne hī rang mire dīda-e-tar se nikle

ek hasīñ ḳhvāb kī ta.abīr meñ ghar se nikle

ham asīrān-e-vafā chāhe jidhar se nikle

pahle sarsabz kiyā us ne mohabbat kā shajar

phir samar saare usī ek shajar se nikle

lams se us ke baḌhī aur bhī parvāz-e-junūñ

us ke hamrāh jo ḳhushbū ke safar se nikle

saare asrār shab-e-vasl pe khulte hī ga.e

phir to ash.ār mire la.al-o-gohar se nikle

phir koī rang numūdār ho sūrat se tirī

husn saarā hī kisī dast-e-hunar se nikle

kisi surat na un aankhon ke asar se nikle

kitne hi rang mere dida-e-tar se nikle

ek hasin KHwab ki tabir mein ghar se nikle

hum asiran-e-wafa chahe jidhar se nikle

pahle sarsabz kiya us ne mohabbat ka shajar

phir samar sare usi ek shajar se nikle

lams se us ke baDhi aur bhi parwaz-e-junun

us ke hamrah jo KHushbu ke safar se nikle

sare asrar shab-e-wasl pe khulte hi gae

phir to ashaar mere lal-o-gohar se nikle

phir koi rang numudar ho surat se teri

husn sara hi kisi dast-e-hunar se nikle