kisi surat nazar ki fitna-samani nahin jati

kisī sūrat nazar kī fitna-sāmānī nahīñ jaatī

bujhe jaate haiñ dil chehroñ kī vīrānī nahīñ jaatī

ḳhudā kā naam lene ko to lete haiñ sabhī lekin

ḳhudā kī baat duniyā meñ kahīñ maanī nahīñ jaatī

mire chehre ke ḳhadd-o-ḳhāl kyā pahchāntā koī

ki ḳhud apnī hī sūrat mujh se pahchānī nahīñ jaatī

haqīqat ḳhud-ba-ḳhud raushan huī hai saat pardoñ se

dalīloñ se misāloñ se kabhī jaanī nahīñ jaatī

agarche is meñ lākhoñ hasratoñ ke phuul khilte haiñ

magar phir bhī hamāre dil kī vīrānī nahīñ jaatī

nizām-e-maikada badlā na.e saaqī na.ī sahbā

magar kyoñ phir bhī logoñ kī pareshānī nahīñ jaatī

junūñ kī manziloñ tak kis tarah 'parvez' pahuñchoge

agar dasht-e-ḳhirad kī ḳhaak bhī chhānī nahīñ jaatī

kisi surat nazar ki fitna-samani nahin jati

bujhe jate hain dil chehron ki virani nahin jati

KHuda ka nam lene ko to lete hain sabhi lekin

KHuda ki baat duniya mein kahin mani nahin jati

mere chehre ke KHadd-o-KHal kya pahchanta koi

ki KHud apni hi surat mujh se pahchani nahin jati

haqiqat KHud-ba-KHud raushan hui hai sat pardon se

dalilon se misalon se kabhi jaani nahin jati

agarche is mein lakhon hasraton ke phul khilte hain

magar phir bhi hamare dil ki virani nahin jati

nizam-e-maikada badla nae saqi nai sahba

magar kyon phir bhi logon ki pareshani nahin jati

junun ki manzilon tak kis tarah 'parwez' pahunchoge

agar dasht-e-KHirad ki KHak bhi chhani nahin jati