kisi tamanna ki dilbari mein bhaTak raha hun kai dinon se

kisī tamannā kī dilbarī meñ bhaTak rahā huuñ ka.ī dinoñ se

maiñ tujh se milne kī aas hī meñ bhaTak rahā huuñ ka.ī dinoñ se

maiñ vo musāfir jo kārvāñ se bichhaḌ gayā rāste meñ ik din

so aaj apnī hī rahbarī meñ bhaTak rahā huuñ ka.ī dinoñ se

maiñ ik shajar huuñ vafā kā lekin kisī ne merī taraf na dekhā

so maiñ chaman-zār-e-zindagī meñ bhaTak rahā huuñ ka.ī dinoñ se

maiñ vo darīcha ki jis kī qismat meñ koī dīpak na koī jugnū

jahān-e-ġham kī galī-galī meñ bhaTak rahā huuñ ka.ī dinoñ se

visāl kī phir havā chalegī isī liye to 'atīq' maiñ bhī

charāġh-e-furqat kī raushnī meñ bhaTak rahā huuñ ka.ī dinoñ se

kisi tamanna ki dilbari mein bhaTak raha hun kai dinon se

main tujh se milne ki aas hi mein bhaTak raha hun kai dinon se

main wo musafir jo karwan se bichhaD gaya raste mein ek din

so aaj apni hi rahbari mein bhaTak raha hun kai dinon se

main ek shajar hun wafa ka lekin kisi ne meri taraf na dekha

so main chaman-zar-e-zindagi mein bhaTak raha hun kai dinon se

main wo daricha ki jis ki qismat mein koi dipak na koi jugnu

jahan-e-gham ki gali-gali mein bhaTak raha hun kai dinon se

visal ki phir hawa chalegi isi liye to 'atiq' main bhi

charagh-e-furqat ki raushni mein bhaTak raha hun kai dinon se