kisi taraf se nahin aae kaam ki aawaz
kisī taraf se nahīñ aa.e kaam kī āvāz
na jaane gum hai kahāñ mere naam kī āvāz
banā hī rahtā hai har lamha ḳhauf-e-tanhā.ī
udaas sub.h ko kartī hai shaam kī āvāz
safar tavīl hai raftār kā baḌhāo shor
thakan sune na kahīñ se qiyām kī āvāz
kisī ko girte hue ek baar dekhā thā
phir aa.ī 'umr talak thaam thaam kī āvāz
bahut 'ajīb hai raste kā gum-shuda honā
'ajīb is se bhī us ḳhush-ḳhirām kī āvāz
kisi taraf se nahin aae kaam ki aawaz
na jaane gum hai kahan mere nam ki aawaz
bana hi rahta hai har lamha KHauf-e-tanhai
udas subh ko karti hai sham ki aawaz
safar tawil hai raftar ka baDhao shor
thakan sune na kahin se qiyam ki aawaz
kisi ko girte hue ek bar dekha tha
phir aai 'umr talak tham tham ki aawaz
bahut 'ajib hai raste ka gum-shuda hona
'ajib is se bhi us KHush-KHiram ki aawaz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
