kisi zalim ki jite-ji sana-KHwani nahin hogi
Interesting Fact
Monthly Insha, March-April 2008, Calcutta
kisī zālim kī jīte-jī sanā-ḳhvānī nahīñ hogī
ki daanā ho ke mujh se aisī nādānī nahīñ hogī
dil-e-ābād kā sā koī shahr ābād kyā hogā
dil-e-vīrān kī sī koī vīrānī kahāñ hogī
adū se kyā gila karnā ki vo ma.azūr lagtā hai
hamārī qadr-o-qīmat us ne pahchānī nahīñ hogī
nujūmī meñ nahīñ lekin ye andāze se kahtā huuñ
mohabbat to rahegī par ye arzānī nahīñ hogī
ilāj-e-asl hai ik āzmūda nusḳha duniyā meñ
pareshāñ tum rahoge to pareshānī nahīñ hogī
khulā darvāza rakh chhoḌā hai jab jī chāhe aa jaanā
ajī ab ham se apne ghar kī darbānī nahīñ hogī
na tum aa.e to 'sābir' kyā maza aa.egā mahfil meñ
ġhazal-ḳhvānī to hogī par gul-afshānī nahīñ hogī
kisi zalim ki jite-ji sana-KHwani nahin hogi
ki dana ho ke mujh se aisi nadani nahin hogi
dil-e-abaad ka sa koi shahr aabaad kya hoga
dil-e-viran ki si koi virani kahan hogi
adu se kya gila karna ki wo mazur lagta hai
hamari qadr-o-qimat us ne pahchani nahin hogi
nujumi mein nahin lekin ye andaze se kahta hun
mohabbat to rahegi par ye arzani nahin hogi
ilaj-e-asl hai ek aazmuda nusKHa duniya mein
pareshan tum rahoge to pareshani nahin hogi
khula darwaza rakh chhoDa hai jab ji chahe aa jaana
aji ab hum se apne ghar ki darbani nahin hogi
na tum aae to 'sabir' kya maza aaega mahfil mein
ghazal-KHwani to hogi par gul-afshani nahin hogi
- Book : Alami Urdu Adab, Jild 27 (Pg. 158 (e)159)
- Author : Nand Kishor Vikram
- Publication : Publishers and Advertisers, Krishn Nagar, Delhi, (October 2008)
- Edition : October 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
