kitab-e-dil ka teri intisab baqi hai

kitāb-e-dil kā tirī intisāb baaqī hai

haqīqatoñ se alag ek ḳhvāb baaqī hai

vo ishq bhuul ga.e jis ko tum usī ke liye

hamāre dil meñ abhī iztirāb baaqī hai

jahān kam thā ki dozaḳh bhī ik banā Daalī

ilāhī kaun sā aisā azaab baaqī hai

agar sunā.ūñ hadīs-e-junūñ to chand alfāz

likhūñ agar to ye puurī kitāb baaqī hai

hamāre saath to chal tasfiya huā terā

Thahar ki tujh se hamārā hisāb baaqī hai

ye bahas chhoḌiye mujrim huuñ yā nahīñ kiije

jo rah gayā hai sitam jo itaab baaqī hai

huā tamām safar dasht kā magar 'āsim'

laboñ pe ret nazar meñ sarāb baaqī hai

kitab-e-dil ka teri intisab baqi hai

haqiqaton se alag ek KHwab baqi hai

wo ishq bhul gae jis ko tum usi ke liye

hamare dil mein abhi iztirab baqi hai

jahan kam tha ki dozaKH bhi ek bana Dali

ilahi kaun sa aisa azab baqi hai

agar sunaun hadis-e-junun to chand alfaz

likhun agar to ye puri kitab baqi hai

hamare sath to chal tasfiya hua tera

Thahar ki tujh se hamara hisab baqi hai

ye bahas chhoDiye mujrim hun ya nahin kije

jo rah gaya hai sitam jo itab baqi hai

hua tamam safar dasht ka magar 'asim'

labon pe ret nazar mein sarab baqi hai