kitab-e-dil ke waraq jo ulaT ke dekhta hai
kitāb-e-dil ke varaq jo ulaT ke dekhtā hai
vo kā.enāt ko auroñ ko haT ke dekhtā hai
agar nahīñ hai bichhaḌne kā rañj kuchh bhī use
vo baar baar mujhe kyuuñ palaT ke dekhtā hai
nadī baḌhī ho ki sūkhī har ek sūrat meñ
kināra apne hī paanī se haT ke dekhtā hai
kisī ko tīrgī pāgal na kar sake jab tak
kahāñ charāġh kī lau se palaT ke dekhtā hai
na ho sakeñge kabhī us ke zehn-o-dil raushan
varaq varaq jo kitāboñ ko raT ke dekhtā hai
usī pe khultī haiñ duniyā kī vus.ateñ 'shāhid'
jo apnī zaat meñ har pal simaT ke dekhtā hai
kitab-e-dil ke waraq jo ulaT ke dekhta hai
wo kaenat ko auron ko haT ke dekhta hai
agar nahin hai bichhaDne ka ranj kuchh bhi use
wo bar bar mujhe kyun palaT ke dekhta hai
nadi baDhi ho ki sukhi har ek surat mein
kinara apne hi pani se haT ke dekhta hai
kisi ko tirgi pagal na kar sake jab tak
kahan charagh ki lau se palaT ke dekhta hai
na ho sakenge kabhi us ke zehn-o-dil raushan
waraq waraq jo kitabon ko raT ke dekhta hai
usi pe khulti hain duniya ki wusaten 'shahid'
jo apni zat mein har pal simaT ke dekhta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
