kitab-e-kashf ki pahli kahani likh raha hai

kitāb-e-kashf kī pahlī kahānī likh rahā hai

mire andar koī kashfī kahānī likh rahā hai

lahū aur ashk meñ bhīgā huā chup kā parinda

kahānī likhne vaale kī kahānī likh rahā hai

mire aivān-e-hairat meñ kahānī-kār koī

kahīñ baiThā huā sachchī kahānī likh rahā hai

maiñ har kirdār meñ us ke muqābil aa gayā huuñ

mirā ham-zād ye kaisī kahānī likh rahā hai

baḌā be-rahm hai saffāk hai gustāḳh hai vo

so apne ahd kī puurī kahānī likh rahā hai

baḌī achchhī kahānī hai havā aur bādbāñ kī

musāfir to baḌī achchhī kahānī likh rahā hai

usī kā hausla hai jo ḳhizāñ-rut meñ bhī 'shaukat'

gulāboñ se mohabbat kī kahānī likh rahā hai

kitab-e-kashf ki pahli kahani likh raha hai

mere andar koi kashfi kahani likh raha hai

lahu aur ashk mein bhiga hua chup ka parinda

kahani likhne wale ki kahani likh raha hai

mere aiwan-e-hairat mein kahani-kar koi

kahin baiTha hua sachchi kahani likh raha hai

main har kirdar mein us ke muqabil aa gaya hun

mera ham-zad ye kaisi kahani likh raha hai

baDa be-rahm hai saffak hai gustaKH hai wo

so apne ahd ki puri kahani likh raha hai

baDi achchhi kahani hai hawa aur baadban ki

musafir to baDi achchhi kahani likh raha hai

usi ka hausla hai jo KHizan-rut mein bhi 'shaukat'

gulabon se mohabbat ki kahani likh raha hai