kitab-e-KHwahish ka aaKHiri bab likh raha hun

kitāb-e-ḳhvāhish kā āḳhirī baab likh rahā huuñ

visāl-e-mausam kī satr-e-nāyāb likh rahā huuñ

varaq varaq ab yahī to sachchā.ī boltī hai

maiñ dushmanoñ ko misāl-e-ahbāb likh rahā huuñ

ye mere sāthī jo karbalā meñ ghire hue haiñ

maiñ un kī ḳhātir furāt par aab likh rahā huuñ

mirī kitāb-e-suḳhan kā ye ibtidā.iya hai

maiñ bārish-e-sang meñ gul-e-ḳhvāb likh rahā huuñ

mire lahū kī luġhat kā ye mo.ajiza hai 'shaukat'

na.ī ġhazal kā nisāb-e-shādāb likh rahā huuñ

kitab-e-KHwahish ka aaKHiri bab likh raha hun

visal-e-mausam ki satr-e-nayab likh raha hun

waraq waraq ab yahi to sachchai bolti hai

main dushmanon ko misal-e-ahbab likh raha hun

ye mere sathi jo karbala mein ghire hue hain

main un ki KHatir furaat par aab likh raha hun

meri kitab-e-suKHan ka ye ibtidaiya hai

main barish-e-sang mein gul-e-KHwab likh raha hun

mere lahu ki lughat ka ye moajiza hai 'shaukat'

nai ghazal ka nisab-e-shadab likh raha hun