kitab-e-zist ke har bab ka unwan naya dekhe

kitāb-e-zīst ke har baab kā unvāñ nayā dekhe

har ik bujhte diye ko shauq se pāgal havā dekhe

abhī ik kashmakash meñ hai mohabbat dil ko kyā dekhe

ḳhushī dekhe ḳhud apnī yā buzurgoñ kī anā dekhe

chalo achchhā kiyā dil apnā halkā kar liyā tum ne

hameñ bhī ek muddat ho chalī thī aa.ina dekhe

lab-e-sāhil hameñ maujoñ ne jab paTḳhā to raste meñ

bahut se Dūbte maujoñ se laḌte nāḳhudā dekhe

tilsmātī fazā thī jab sahar-dam reg-e-sāhil par

bagūle kī tarah raqsāñ kisī ke naqsh-e-pā dekhe

ḳhud apne aap se bhī baat karnā chhoḌ rakkhā hai

jise jiinā ho tanhā vo hamārā hausla dekhe

'sadaf' ik umr ke baad aaj ham dil khol kar ro.e

zamāna ho chalā thā dil ko ye nikhrī fazā dekhe

kitab-e-zist ke har bab ka unwan naya dekhe

har ek bujhte diye ko shauq se pagal hawa dekhe

abhi ek kashmakash mein hai mohabbat dil ko kya dekhe

KHushi dekhe KHud apni ya buzurgon ki ana dekhe

chalo achchha kiya dil apna halka kar liya tum ne

hamein bhi ek muddat ho chali thi aaina dekhe

lab-e-sahil hamein maujon ne jab paTKHa to raste mein

bahut se Dubte maujon se laDte naKHuda dekhe

tilsmati faza thi jab sahar-dam reg-e-sahil par

bagule ki tarah raqsan kisi ke naqsh-e-pa dekhe

KHud apne aap se bhi baat karna chhoD rakkha hai

jise jina ho tanha wo hamara hausla dekhe

'sadaf' ek umr ke baad aaj hum dil khol kar roe

zamana ho chala tha dil ko ye nikhri faza dekhe