kitab jalti rahi sahib-e-kitab gaya

kitāb jaltī rahī sāhib-e-kitāb gayā

'ajab sulagtī sī tā'bīr de ke ḳhvāb gayā

'ajīb jhuuT kī ḳhushbū thī mast rahte the

gumāñ kī shāḳh pe baaqī jo thā gulāb gayā

siyāhiyoñ kā samundar hai ab to chāroñ taraf

vo raushnī kā safar muntazir sarāb gayā

hayāt jab bhī kisī imtihāñ se guzrī hai

savāl karne jo aaya thā lā-javāb gayā

thā zaḳhm dil kā magar ḳhūñ-chakāñ huiiñ āñkheñ

vo shaḳhs mar na sakā ḳhuun be-hisāb gayā

badan kī pyaas to jismoñ kā qurb māñge hai

tamīz-e-husn ga.ī zauq-e-intiḳhāb gayā

charāġh din meñ jalāte ho kis liye 'sarshār'

nazar kā nuur gayā hai ki āftāb gayā

kitab jalti rahi sahib-e-kitab gaya

'ajab sulagti si ta'bir de ke KHwab gaya

'ajib jhuT ki KHushbu thi mast rahte the

guman ki shaKH pe baqi jo tha gulab gaya

siyahiyon ka samundar hai ab to chaaron taraf

wo raushni ka safar muntazir sarab gaya

hayat jab bhi kisi imtihan se guzri hai

sawal karne jo aaya tha la-jawab gaya

tha zaKHm dil ka magar KHun-chakan huin aankhen

wo shaKHs mar na saka KHun be-hisab gaya

badan ki pyas to jismon ka qurb mange hai

tamiz-e-husn gai zauq-e-intiKHab gaya

charagh din mein jalate ho kis liye 'sarshaar'

nazar ka nur gaya hai ki aaftab gaya