kitna wo parsa sa lagta hai

kitnā vo pārsā sā lagtā hai

aadmī devtā sā lagtā hai

pūchh letā hai hāl-e-dil merā

ajnabī āshnā sā lagtā hai

log kahte haiñ us ko dīvāna

aadmī to bhalā sā lagtā hai

aap sā ham-safar jo mil jaa.e

rāsta rāsta sā lagtā hai

gard ġham kī agar na jamne paa.e

dil bhī ik aa.ina sā lagtā hai

jaise patthar ke but tarāshe hoñ

har badan khurdurā sā lagtā hai

jis kā charchā hai saarī bastī meñ

vo koī dil-jalā sā lagtā hai

ek maiñ hī nahīñ luTā huuñ 'ra.īs'

kārvāñ bhī luTā sā lagtā he

kitna wo parsa sa lagta hai

aadmi dewta sa lagta hai

puchh leta hai haal-e-dil mera

ajnabi aashna sa lagta hai

log kahte hain us ko diwana

aadmi to bhala sa lagta hai

aap sa ham-safar jo mil jae

rasta rasta sa lagta hai

gard gham ki agar na jamne pae

dil bhi ek aaina sa lagta hai

jaise patthar ke but tarashe hon

har badan khurdura sa lagta hai

jis ka charcha hai sari basti mein

wo koi dil-jala sa lagta hai

ek main hi nahin luTa hun 'rais'

karwan bhi luTa sa lagta he