kitne anjaan jaziron mein mujhe le ke chala

kitne anjān jazīroñ meñ mujhe le ke chalā

dil ki an-dekhe zamānoñ meñ mujhe le ke chalā

maiñ ne kyā rañg sajā.e the tire ḳhvāboñ meñ

aur tū kaise sarāboñ meñ mujhe le ke chalā

be-ridā.ī ke bhī din dekhne vaale the ki jab

hākim-e-vaqt asīroñ meñ mujhe le ke chalā

use ma.alūm thā nisbat mirī sādāt se hai

jo baraste hue tīroñ meñ mujhe le ke chalā

jab bhī kholā hai da-e-shahr-e-masarrat to koī

phir se nāshād jahānoñ meñ mujhe le ke chalā

dil ko be-rañg sī mahfil hī faqat bhātī thī

vahī vīrān se chehroñ meñ mujhe le ke chalā

jā rahī thī maiñ kidhar ko magar ai umr-e-ravāñ

vaqt ye kaun se lamhoñ meñ mujhe le ke chalā

kitne anjaan jaziron mein mujhe le ke chala

dil ki an-dekhe zamanon mein mujhe le ke chala

main ne kya rang sajae the tere KHwabon mein

aur tu kaise sarabon mein mujhe le ke chala

be-ridai ke bhi din dekhne wale the ki jab

hakim-e-waqt asiron mein mujhe le ke chala

use malum tha nisbat meri sadat se hai

jo baraste hue tiron mein mujhe le ke chala

jab bhi khola hai da-e-shahr-e-masarrat to koi

phir se nashad jahanon mein mujhe le ke chala

dil ko be-rang si mahfil hi faqat bhati thi

wahi viran se chehron mein mujhe le ke chala

ja rahi thi main kidhar ko magar ai umr-e-rawan

waqt ye kaun se lamhon mein mujhe le ke chala